Maiatza, 2008-ko artxiboa

Bi bideo berri ikusgai

Ikusgai daude dagoeneko bi ekitaldiren bideoak. Alde batetik, apirilean Asuncion Urzainquik egin zuen hitzaldia: “Legazpi, su nacimiento como entidad territorial” hitzaldiaren bideoa. Bestetik, Legazpiko jai nagusietan Bertso Olariek prestatu zuten saio musikatua: “400 urte hauetan Segura izan bagina, zer?“. Orri honetan bertan (beherago joan) edo “Agenda” atalean (goian ezkerrean) topatuko dituzu

2008 / 05 / 28

Ekitaldiak Iruzkinik ez

J.A. Azpiazuren hitzaldia hilabete atzeratu da

“Legazpi y los ferrones vascos” hitzaldia ekainaren 26an izango da, arratsaldeko 7etan, Kultur Etxean.

2008 / 05 / 22

Ekitaldiak Iruzkinik ez

IV. Mendeurrenaren oroigarria

IV. Mendeurrenaren Batzordeak oroigarri bat egitea adostu du udalerria sortu zenetik 400 urte bete direla ospatzeko. Ekitaldi nagusietan banatzeko erabiliko da, batez ere, eta hartzaileak hauek izango dira: lan egin duten erakundeen ordezkariak, nabarmendu diren herritarrak, Legazpira hurbiltzen diren agintari politikoak eta abar.

Harri artifizialez egindako pieza bat izango da, luzeran 12 cm, alturan 13,5 cm eta zabaleran 4 cm dituena, bataz beste. Bi irudi erakusten dira bertan: goian, eskuinetara, IV. Mendeurrenaren logoa; behean, ezkerretara, Legazpiko antzinako elizaren irudi geometrikoak, oraindik ere Kontsejura begira dagoen paretan ikusgai daudenak.

Edozein herritarrek ere eskuratzeko modua izango du 45€-ren truke, baina horretarako Kultur Etxean eskatu beharko da aurrez.

2008 / 05 / 21

Ekitaldiak Iruzkinik ez

Maiatzaren 16an “Aizkorrin Barrena” aurkeztuko da

Diaporama helbide honetan eskuragai dago:
http://www.megaupload.com/es/?d=9ZTPRKD8

Maiatzaren 16an, ostirala, arratsaldeko 8etan AIZKORRIN BARRENA mendi-martxa aurkeztuko da Legazpiko Kultur Etxean.Ekitaldia Legazpiko lau elkarteen artean antolatuko denez (Izadi-Zaleak, Brinkolako Arriurdin, Burdinola eta Gaztetxea) lau elkarte hauetako ordezkari banak hitz egingo du. Ondoren Aitor Casadoren diaporama bat eskainiko da eta bertan ibilbideen irudiak ikusiko dira. Aizkorrin Barrena urriaren 12an izango da.

2008 / 05 / 11

Ekitaldiak Iruzkinik ez

400 urte hauetan Segura izan bagina, zer?

Maiatzaren 4an, Santikutz Txiki egunean, arratsaldeko 8etan, bertso musikatuak eskainiko dituzte Legazpiko Bertso Eskolako kideak. Ikuskizuna udaletxe ondoko oholtzan izango da eguraldiak lagunduz gero, bestela azokako arkupeetan egingo da. Musikariak Beñat Aierbe eta Xabier Barriola izango dira.

Kartela

Bideo hau ikusi nahi izan ezkero, Google-ko bideo servidorean dago:http://video.google.com/videoplay?docid=1890407214037399335

2008 / 05 / 02

Ekitaldiak Iruzkinik ez