1608 - 2008
IV. mendeurrena

Hitzaldia: “Legazpi y los ferrones vascos”
Eguna: Ekainak 26
Ordua: 19:00
Tokia: Kultur Etxea

José Antonio Azpiazu filosofian lizentziatua da eta antropologian doktorea, Julio Caro Barojaren zuzendaritzapean egindako tesiarekin.

XVI. mendean aditua da. Hiru hamarkada luzeetan Aro Modernoko euskaldunen bizimodua, ekonomia eta beste hainbat arlo ikertu ditu.

Hainbat urtez unibertsitate irakasle izan ondoren, gaur egun Nazioarteko Soziologia Juridikoaren Erakundeko argitalpen ataleko burua da. Erakundea antzinako Oñatiko unibertsitateko eraikinean dago.

50 artikulutik gora argitaratu ditu Euskal Herriko aldizkari espezializatuetan (Eusko Ikaskuntzako Cuadernos de sección-en, BRSBAP-en, Boletín de la Ciudad de San Sebastián-en, etab.) eta, horrez gain, 15 liburutik gora. Hori dela eta, Euskal Herriko Aro Modernoko Berankorreko espezialistatzat hartu beharra daukagu.

Argitaratutako liburuak:
Beste batzuekin:
- “Ferrerías en Legazpi”, Donostia 1980 (agortuta)
- “Antecedentes y primera época de Gaztañeta”, Donostia 1992,
Antonio de Gaztañeta - 1656-1728, Donostia.
- “Comercialización de los productos de Terranova”, Vitoria-Gasteiz 1992,
Balleneros vascos del siglo XVI, A. Azkarate, J.A. Hernandez eta J. Nuñezek editatua.

Bereak:
- “Sociedad y Vida social vasca en el siglo XVI. Mercaderes guipuzcoanos”,
1990, 2 ale., Donostia, Edit. G.K. “Documento” bilduma (agortuta).
- “Mujeres Vascas: Sumisión y Poder”, Donostia 1995, R&B (agortuta).
- “Esclavos y traficantes. Historias ocultas del País Vasco”,
Donostia 1997 (2. ed.), Ttarttalo.
- “Historia de un rapto”, Donostia 1999, Erein.
- “Arrasate/Mondragón: una historia de acero y armas”,
Donostia 1999,  Arrasateko Udala.
- “Un mercader en el reino de Felipe II: el eibarrés Martín López de Isasi”,
1999, Eibarko Udala.
- “Balleneros vascos en el Cantábrico”, Donostia, 2000 (2. ed.), Ttarttalo.
- “Picas vascas en Flandes. Historias de armas de Euskalerria”,
Donostia, 2002, Ttarttalo.
- “Historias de corsarios vascos. Entre el comercio y la piratería”.
Donostia 2004 (3. ed.), Ttarttalo.
- “Nuevas historias de corsarios vascos. Biografías y vivencias”,
Donostia 2005(2. ed.), Ttarttalo.
- “La historia desconocida del lino vasco”, Donostia 2006, Ttarttalo.
- “La empresa vasca de Terranova”, Donostia 2008, Ttarttalo.

Horrez gain, Oñatiko bi musikariren gaineko biografiak idatzi ditu:
− “Aita Madina”, (euskaraz, gaztelaniaz eta ingelesez argitaratua)
− “José de Azpiazu”, (euskaraz, gaztelaniaz eta frantsesez argitaratua)

2008ko Armen Alardean parte hartzeko izena eman daiteke dagoeneko. Aurten, gainera, alardeak garrantzi berezia dauka, 400 urte betetzen baitira Seguratik askatu ginela. Alardearen gaia, hain zuzen, liskarraren arrazoietako bat zen, legazpiarrek ez baitzuten Segurara desfilatzera joan nahi izaten. Parte hartu nahi dutenek izena eman beharko dute honako taberna hauetako batean: Haizea (Bikuña), Mandiola (Plazaola) eta Goiherri (Urtatza-Egialde).

Bestetik, honako jantziak eraman beharko dira: alkandora txuria, mahoizko prakak, txapela beltza, gerriko beltza eta apreta beltzak, eta eskopeta. Ez da armen baimenik behar egun horretan.

Ikusgai daude dagoeneko bi ekitaldiren bideoak. Alde batetik, apirilean Asuncion Urzainquik egin zuen hitzaldia: “Legazpi, su nacimiento como entidad territorial” hitzaldiaren bideoa. Bestetik, Legazpiko jai nagusietan Bertso Olariek prestatu zuten saio musikatua: “400 urte hauetan Segura izan bagina, zer?“. Orri honetan beherago joan eta topatuko dituzu.

“Legazpi y los ferrones vascos” hitzaldia ekainaren 26an izango da, arratsaldeko 7etan, Kultur Etxean.

IV. Mendeurrenaren Batzordeak oroigarri bat egitea adostu du udalerria sortu zenetik 400 urte bete direla ospatzeko. Ekitaldi nagusietan banatzeko erabiliko da, batez ere, eta hartzaileak hauek izango dira: lan egin duten erakundeen ordezkariak, nabarmendu diren herritarrak, Legazpira hurbiltzen diren agintari politikoak eta abar.

Harri artifizialez egindako pieza bat izango da, luzeran 12 cm, alturan 13,5 cm eta zabaleran 4 cm dituena, bataz beste. Bi irudi erakusten dira bertan: goian, eskuinetara, IV. Mendeurrenaren logoa; behean, ezkerretara, Legazpiko antzinako elizaren irudi geometrikoak, oraindik ere Kontsejura begira dagoen paretan ikusgai daudenak.

Edozein herritarrek ere eskuratzeko modua izango du 45€-ren truke, baina horretarako Kultur Etxean eskatu beharko da aurrez.

Diaporama helbide honetan eskuragai dago:
http://www.megaupload.com/es/?d=9ZTPRKD8

Maiatzaren 16an, ostirala, arratsaldeko 8etan AIZKORRIN BARRENA mendi-martxa aurkeztuko da Legazpiko Kultur Etxean.Ekitaldia Legazpiko lau elkarteen artean antolatuko denez (Izadi-Zaleak, Brinkolako Arriurdin, Burdinola eta Gaztetxea) lau elkarte hauetako ordezkari banak hitz egingo du. Ondoren Aitor Casadoren diaporama bat eskainiko da eta bertan ibilbideen irudiak ikusiko dira. Aizkorrin Barrena urriaren 12an izango da.

Maiatzaren 4an, Santikutz Txiki egunean, arratsaldeko 8etan, bertso musikatuak eskainiko dituzte Legazpiko Bertso Eskolako kideak. Ikuskizuna udaletxe ondoko oholtzan izango da eguraldiak lagunduz gero, bestela azokako arkupeetan egingo da. Musikariak Beñat Aierbe eta Xabier Barriola izango dira.

Bideo hau ikusi nahi izan ezkero, Google-ko bideo servidorean dago:

Hitzaldia: “Legazpi: su nacimiento como entidad territorial”
Eguna: Apirilak 24
Ordua: 19:00
Tokia: Kultur Etxea

Hitzaldi honetan hitz egingo zaigu Legazpiko herriaren sorreraz, mugarriei dagokienez, eta ondorengo harremanak Partzuergo Txikiarekin (hau da, Segura, Zegama, Zerain eta Idiazabalek osatzen zutena) eta Gipuzkoa eta Arabako Partzuergo Nagusiarekin.

Harreman hauek gatazkatsuak izan ziren mendeetan zehar, batez ere Aiztondo eta Goiburuen Komunitateari dagokionez eta Urbia, Oltza eta Altzaniako mendien ustiaketarengatik.

Maria Asuncion Urzainki,
Deustoko Unibertsitateko irakaslea -Donostiako kanpusean-
Geografoa, zeinek bere doktoradutza-tesia egin baizuen gai honi buruz: “Partzuergoak”.
Tesia “Comunidades de Montes en Gipuzkoa: las Parzonerías” liburuan argitaratuta dago.

Ikusi nahi ezkeo eskuragai daude artxbo hauek:
- mapa 1 - mapa 1.2 - Legazpi entidad territorial

Astelehenean, apirilak 14, Mendeurrenaren batzorde nagusia bilduko da Kultur Etxean, arratsaldeko 6:30ean. Batzorde irekia denez, nornahi etor daiteke.

AZTERGAIAK hauek dira:

1 - Orain arte egindakoaren balorazioa

2 - Ekintzen antolaketaren jarraipena:

• Hitzaldiak
• Legazpi-Segura ibilaldia
• Legazpiko jaiak / Armen Alardea / Artzai Eguna
• Mendeurrenaren erakusketa
• Argitalpenak
• Urriaren 4ko ikuskizuna
• Aizkorrin Barrena mendi martxa
• Kartelak, pankartak, iragarkiak
• Irailaren 12ko ekitaldia

3 - “Bestelakoak”

• Oroigarrien proposamenak aztertu eta erabaki
• Proposamen berriak

Ikusgai dago dagoeneko Susana Truchuelok otsailaren 28an egin zuen hitzaldi interesgarriaren bideoa. Hitzaldiaren izenburua “La desanexión de Legazpi: 1608″ zen.
Bideoari dagokion audioa ere badago.

Ikusi: Bideoa - Audioa