Sarrera>> Agenda 21

Ekintza Plana

Tokiko Agenda 21ek ez du helburu izan behar, iraunkortasuna ezartzeko bide baizik. Horretarako, Ekintza Plana zehaztu behar da, udal-politika eta -kudeaketa bideratzeko. Iraunkortasuna izan behar du helburu planak, etorkizuneko ikuspegia eduki behar du (estrategikoa), alor eta eragile guztiak bildu (zeharkakoa), herritarrei parte hartzeko eta iritzia emateko aukera eman (partaidetzaren aldekoa) eta tresna erabilgarri eta aplikagarria izan (eraginkorra).

2002ko ekainean amaitu zen Legazpiko Tokiko Ekintza Planaren erakuntza, eta Udalak onartu zuen ondoren. Hamabi lerro estrategiko eta 111 jarduera ditu Planak. Ordutik hona, jarduera asko egin dira. Horiei esker, nabarmen hobetu dira bai udalerria bai ingurumena. Natur ingurunea, herritarren partaidetza eta gizarte-gaiak jorratu dira. Laburpen-txosten bat ere egin zen Legazpin, honako gai hauei buruz: herriak Tokiko Agenda 21en izan duen ibilbidea, diagnostikoaren eta 2001-2004 Ekintza Planaren laburpena, alor bakoitzean egindako jarduera nagusiak eta haiei dagozkien adierazleak.

Ekintza gehienak egin izanak, batetik, eta udalerriaren bilakaerak, bestetik, eragin zuten 2001-2004 Ingurumen Ekintza Planaren ondoren beste dokumentu bat sortzea: Legazpiko 2005-2007 Ekintza Plana. Herritarren ekarpenek eta udalaren alor guztiek eratu dute kudeaketa-esparru berri hori, eta iraunkortasunaren beste alderdi batzuk jorratzen ditu: gizarte-ekintza, hazkunde ekonomikoa, babes ofizialeko etxebizitzen sustapena, mugikortasun iraunkorraren aldeko ekintzak... eta Eskolako Agenda 21en jarraipena udalerriko ikastetxeetan.


Ekintza Plana
Epea Gaztelera Euskera
Ekintza Plana 2005-2007 pdf pdf
Ekintza Plana 2001-2004 pdf

2007ko Ekintza Planaren Ebaluazioa
Deskribapena Dokumentua
Ebaluazioaren aurkezpena pdf
Ebaluazioaren txostena pdf

XHTML 1.0 | CSS 2.0 | WAI 'AA ' | © Copyright 2006 Legazpiko Udala-Eskubide guztiak erreserbatuak-Euskal Herria plaza, 1 - 20230