Sarrera>> Agenda 21









Zer da Legazpiko Agenda 21eko Foroa? Zertarako biltzen da? Zer egiten da bileretan? Nork hartzen du parte?

Legazpiko Agenda 21eko Foroa Udala eta udalerriko bizilagunak elkartzeko topagunea da. Leku horretan Legazpin garapen iraunkorragoa eta orekatuagoa lortzeko interesa duten eta gai horrekin sentsibilizatuta dauden legazpiarrak biltzen dira parte hartzeko, informazioa jasotzeko, entzuteko, iritzia emateko, ideiak eskaintzeko eta proposamenak egiteko.
Foroaren helburua gure herria, gure ingurunea eta gure bizi-kalitatea hobetzea da. Horretarako, bilera bakoitzean ematen den eztabaida eta lortzen diren emaitzak udal mailan aztertu eta aintzat hartzen dira.
Legazpiko Udalak deitzen du Foroa eta hilean behin elkartzen gara pil-pilean dauden gai interesgarriak aztertzeko, adibidez: Legazpiko natur eta kultur ondarearen inbentarioa, mugikortasun iraunkorreko planean jasotako ekintzak, herrian dauden hirigintza-proiektu berriak, herriko haurrek Eskola Agenda 21ean egiten dituzten proposamenak,...
Bilera bakoitzaren planteamendua desberdina da. Dinamika bat jarraituz eta aztertuko den gaiaren arabera, informazioa jasotzen dugu, pentsatu egiten dugu, gure iritzia ematen dugu, ideiak kontrastatzen ditugu, eztabaidatzen dugu, proposamen berriak eta ekarpenak egiten ditugu. Eta hori guztia errespetuz giro bizi, alai, atsegin eta, ia beti, dibertigarrian!.
Legazpiko Agenda 21eko Foroa irekia da eta interesatuta dagoen edozein herritarrek har dezake parte. Zuk ere parte har dezakezu. Gonbidatuta zaude. Animatzen al zara?

Ikus ondorengo bideoa:


XHTML 1.0 | CSS 2.0 | WAI 'AA ' | © Copyright 2006 Legazpiko Udala-Eskubide guztiak erreserbatuak-Euskal Herria plaza, 1 - 20230