Bidegorria

Legazpiko herria eta Urretxuko eta Zumarragako herriak lotuko dituen bidegorria egin nahi da eta helburu hori lehentasunezko helburua da Urola Garaia eskualdeko udalerrientzako.
Hori gauzatzeko hitzarmena sinatu da Gipuzkoako Foru Aldundiko Ingurumen Sailaren eta Legazpiko, Urretxuko eta Zumarragako Udalen artean. Hitzarmen horren arabera, Ingurumen Sailaren eginkizuna izango da proiektuaren obrak burutzea. Aldiz, Udalen lana izango da oinezkoentzat eta bizikleta erabiltzen dutenentzat izango den bide orretan argiak, seinaleak eta balizak jartzea.
Oraingoz lehenengo fasea bukatu da eta,momentuz, Legazpiko iparraldeko irteeratik (GSB lantegia) bide hori erabil daiteke Urretxura eta Zumarragar joateko. Bide-zati hori egiteko Patrizio Etxeberria lantegiaren antzinako trenbidea erabili da.
Horrezaz gain, herriaren beste aldean, hegoaldean bukatuta dago Motxorro eta Mirandaola lotzen duen bide-zatia.
Falta den bide-zatia egiteko GKN-FPL enpresak erabiltzen duen aipatu trenbidearen zatiarekin dauden arazoak konpondu behar dira eta horren zain dago Udala, bidegorria erabat bukatzeko.
Bidegorria bizikletan dabiltzanak nahiz oinezkoak erabiltzeko bidea da. Bertatik ezin da motordun ibilgailuak igaro, baserrietara edo ustiategietara joateko ez bada.
Obrak "Construcciones Mariezcurrena" enpresak egin ditu; argiak KOROSTEL enpresak jarri ditu eta proiektua eta obra-zuzendaritza Urbide SL ingeniaritza-enpresaren lana izan da.