Sarrera>> Euskara - BBPN



EBPN (Euskara Biziberritzeko Plan Nagusia)

Zer da EBPN?

Legazpiko Udalak 2004ko azaroaren 24an onartu zuen EBPN (Euskara Biziberritzeko Plan Nagusia). Plan honen helburu nagusia zera da: herritarrek euskaraz bizitzeko duten eskubidea bermatzea.

Maila pertsonalean, sozialean eta ofizialean indartu nahi dugu euskara, eta transmisioa, erabilera eta kalitatea garatu.

Hori dela eta udaletxean ez ezik, Legazpin euskararekin zerikusia duen edozein jarduera hartzen da kontuan, eta laguntza teknikoa eta diru-laguntza eskaintzen da zenbaitetan, edo Euskara batzordean proposatu eta antolatzen dira ekintzak beste batzuetan.

Helburuak

HELBURU NAGUSIA

Euskaraz bizi nahi duten herritarrei aukera ematea eta euskararen erabilera bultzatzea, bai udaletxean bertan, bai herrian.

HELBURU ESTRATEGIKOAK:

1.-TRANSMISIOA: esparruak:
a) familia
b) irakaskuntza
c) euskalduntze-alfabetatzea

2.-ERABILERA: esparruak:
a) administrazioa
b) teknologia berriak
c) enpresa
d) aisia
e) kirola

3.-ELIKADURA: esparruak:
a) korpusa eta kalitatea
b) liburugintza
c) publizitatea
d) kulturgintza
e) hedabideak

Aurrera eramaten ditugun ekintzak, esparru hauen barruan sartzen dira. Urtero egiten dugu plan bat, nahiz eta esparru batzuk beti landu, badaude beste batzuk urtetik urtera aldatzen direnak, edo indar handiagoarekin lantzen direnak. 2006-2007an merkataritza arloan arituko gara bereziki.

XHTML 1.0 | CSS 2.0 | WAI 'AA ' | © Copyright 2006 Legazpiko Udala-Eskubide guztiak erreserbatuak-Euskal Herria plaza, 1 - 20230