Sarrera>> Turismoa

Ingurumari naturala

Azala eta orografia

Legazpi itsas mailatik 400 m gora dado. Bere azalera 42,17 km2koa da baina Aizkorriko Parke Naturaleko 104,25 km2 gehituz gero, guztira 146,42 km2 ematen du. Horietatik %94 landa-lurra da eta %6a hiri-lurra.
Goranzko harana (ipar-hegoa), iparraldean hirigunea eta hegoaldean Brinkola eta Telleriarte auzoak. Mendebalderantz, malda txikia igarota, Udanako gaina. Brinkolaren hegoaldean mendi garaienak daude, 4 km.tan 600 metrotik 1300 metrotara pasatuz.
600 m.tik aurrera zuhaiztiak eta haranaren eta mendien artean belardi ederrak.
Orografia:menditsua -Aizkorri- kareharkaitzezkoa (mesozoiko aroa). Hirigunea eta mendi eta muino txikiak hareharrizkoak eta arbelezkoak dira (kretazeo aroa). Laborantzarako gunea Urola ibai ertzeko sedimientu modernoek osatzen dute.

Hidrografia

...ibai batez zeharkaturik eta mendiz inguraturik...
Urola ibaia Aizkorriko iparraldean sortzen da eta maldabehera bortitzean, haranean amiltzen da. Urolak ibaiadar askoz horniturik, herri muga barnetik 12 km. iragaten ditu.Ibaiak Urola hartu zuen izena (Ur-ola: olatarako ura), bere ertzetan burdinola ugari lekutu zirelako.


Natur Ondarea

Bailarak baditu berezko balioak: inguruko mendi gailurrak, zelaiak, zuhaiztiak, Brinkola, Telleriarte eta Egialdeko nekazal guneak, Mirandaola eta Ardanpilletako atsedenguneak, ... baino balio horiei Aizkorri ingurukoak gehitu behar zaizkio.
Toki horretan Gipuzkoan dauden, kareharrizko floraren ordezkaritza hoberena dago; bertan 100 espezie bitxi edo oso bitxi inguru daude eta horien artean 20 bat bertako espeziek bakar bakarrik direnak. Gainera, zuhaitz ugari dago: pagoak, lizarrak eta larreak. Azpimarratzekoa da bertan aurki dezakegula ere elur-lursagua.
Aizkorriko mendilerroaren hegal horretan "tubobide" izenarekin ezaguna den ibilbidearekin egiten dugu topo. Bertan, 1936. eta 1940. urte bitartean oinarri-oinarrizko baliabideekin zulaketak kutxetak eta hodiak jarri ziren mendi hegal horretarako ura jaso eta, modu horretan, Legazpiko herrira edateko ura eramateko. Instalazio horiek erabili egiten dira oraindik. Urgimendi eta Altzola mendietako ekialdeko eta mendebaleko hegaletan, toki basotsu eta itxia aurkitzen dugu, guztira 124,7 hektarea. Toki horretan balio botaniko handia dago, izan ere bertan oso ongi kontserbatutako hariztia topatzen dugu, Gipuzkoan hoberen kontserbatutako haritz kadugabearen (Quercus petraea) azalera handiena. Hainbat tokitan haritzekin batera bestelako zuhaitzak ere aurkitzen ditugu: pago arrunta (Fagus sylvatica), elorri zuria, gorostia (Ilex aquifolium), lizar arrunta (Fraxinus excelsior)...
Pikandi izeneko tokian hagin ugari dago, horietako batzuk oso zaharrak direnak. Leku horretan probintziako hagin-kopuru handiena biltzen da.

XHTML 1.0 | CSS 2.0 | WAI 'AA ' | © Copyright 2006 Legazpiko Udala-Eskubide guztiak erreserbatuak-Euskal Herria plaza, 1 - 20230