Sarrera>> Turismoa

Kultur Ekitaldiak

Urtean zehar hainbat eta hainbat kultur ekitaldi eta iharduera burutzen dira, zuzenean Udalak antolatuak batzuk eta kultur elkarteek antolaturikoak besteak, Udalarekin dituzten hitzarmenen bidez.

Erakusketak

Kultur Etxeko erakusketa aretoan burutzen dira hamabostero, uztaila eta abuztua izan ezik.

Diapositiba emanaldiak

Kultur Etxeko Areto Nagusian eskaintzen dira urtarriletik maiatzera eta urritik abendura bitartean hilean behin, ostiralez. Emanaldien gaiak mendia eta bidaiak izaten dira.

Irakurzaletasuna sustatzeko ekintzak

Udal Liburutegiak helburu horrekin hainbat ekitaldi antolatzen ditu urtean zehar: hitzaldi, idazleekin solasaldiak, erakusketak, ... eta hilean behin burutzen diren ipuin-kontaketa saioak.

Kontzertuak

Protagonismo berezia dute herriko musika taldeek urtean zehar eskaintzen edo antolatzen dituztenak, hala nola Santikutz Abesbatzak, Alaitasuna Errondailak, Legazpi Musika Bandak eta Goiz Deia Txistulari Taldeak, Gaztetxean eskaintzen diren Rock kontzertuak ahaztu gabe. Horiez gain Euskal Kantagintzaren erakusgarri diren bi emanaldi antolatzen dira urtean eta Azaroan Musika Ziklo berezia izaten da. ANTZERKIA Latxartegi Aretoan urtean hamalau emanaldi izaten dira, zazpi haur eta gaztetxoei zuzenduak eta beste zazpi gazte eta helduei. Emanaldi hauek Urritik Apirilera bitartean antolatzen dira. Kale ikuskizunei ere tokia egiten zaie ospakizun berezietan: Jaiak, Uztaila Kulturala.

Dantza

Legazpiko EzpataDantza dugu alor horretan bereizgarri nagusia eta Maiatzaren 3an eta Mirandaola Egúnean izaten da dantza hau ikusteko aukera. Horrez gain herriko bi dántza taldeek eskaini eta antolatzen dituzten ekitaldiak izaten dira urtean zehar. Azpimarratzekoak Apirilaren bukaerako Dantzari Txiki Eguna, Maiatzean jokatzen den Haurren Euskadiko Neskatxena Txapelketa eta Abenduan jokatzen den Gipuzkoako Haurren Aurresku Txapelketako Kanporaketa. Horrez gain urtean hirutan Euskal Herritik kanpoko dantza taldeen emanaldiak antolatzen dira.

Zinea

Latxartegi Aretoan eskaintzen dira Urritik Ekainera bitartean zine komertzial saioak ostiraletan 22:30etan eta larunbat, igande eta astelehenetan 19:30etan eta 22:00etan. Horrez gain, igandeetan urritik apirilera bitartean haurrentzako emanaldiak izaten dira 16:30etan. Baina emanaldi komertzialez. gain, urritik apirilera bitartean hamabostero, ostirala eta osteguna txandakatuz, Legazpi Zine-Klub taldeak komertzialak ez diren filmeak ikusteko aukera eskaintzen du. IKASTAROAK Urtean zehar herriko kultur taldeek antolaturiko hainbat ikastaro antolatzen dira, guztiak ere iraupen desberdina dutenak; marrazkia eta pintura, egur taila, eskulanak, dantza, argazkia,...

Lehiaketak

1.- Herri Mailakoak
  • Ihauteri Kartel Lehiaketa
  • Gabon postalen Lehiaketa: haurrei zuzendua
  • Marrazki Lehiaketa: haurrei zuzendua
2.- Irekiak
  • Estatu Mailako Argazki Lehiaketa
  • Kanpoan egin beharreko Pintura Lehiaketa

Bestelakoak

Urtean izaten dira halaber, beste bi ekitaldi, aurrekoetan nekez sailkatu ditzakegunak. Apirilean ospatzen den Herrien arteko Elkarbizitza Eguna eta Uztaila Kulturala. Azken honetan uztaila guztian kultura eta aisia kalean uztartzen duten ekitaldiak antolatzen dira adin eta gusto ezberdinak ase nahiz.

XHTML 1.0 | CSS 2.0 | WAI 'AA ' | © Copyright 2006 Legazpiko Udala-Eskubide guztiak erreserbatuak-Euskal Herria plaza, 1 - 20230