Sarrera>> Legazpi BAI! proiektua

BERRIAK


Deskribapena

Legazpi Gipuzkoako udalerria da, eta probintziako eta EAE osoko industri garapenaren muina irudikatzen du. XX. mendearen bigarren zatian industri garapenaren jarraibideak zehatz-mehatz bete zituen, horren adierazpen guztietan: industrian, hirigintzan, enpleguan eta gizarte garapenean. Herria Patricio Echeverría SA enpresarekin batera garatu zen, eta paralelotasun horretan, enpresak krisia izan zuenean, gainbehera gertatu zenean eta erabat murriztu zenean, aldaketa horrek langabezia tasa handiak, krisi ekonomikoa eta identitate krisia eragin zituen herrian.

Legazpik ahalegin handia egin du orduz geroztik suspertzeko, eta Lenbur Proiektua da suspertze horren sinboloetako bat, herriaren identitate zeinu diren ondarea eta industri kultura berreskuratzen baititu; ildo horretatik, Lenbur Proiektuak Lenbur Fundazioko (1998) partaide diren enpresen interesa piztu du, eta aisialdirako eta museoetarako eremuak eta jarduerak garatzeko Europako funtsak erakarri ditu. Bestalde, Legazpi izan da Euskal Herrian Agenda 21 eredua bereganatzen lehenengoetarikoa (1998), "Aalborg-eko Gutuna" edo "Europako Hirien Iraunkortasunerako Gutuna" hartu baitu tokiko garapen iraunkorrerako erreferentzi eredutzat.

Aurrekari horien eta azken 10 urteotan udalerriaren testuinguru sozio-ekonomiko berriaren bereizgarri diren zeinu objektiboen ildotik (globalizazioa eta industria tradizionala deskokatzeko arriskua, beheraldi demografikoa, gazteen mugimendua hiriburuetarantz, tokiko merkataritzaren geldialdia, deserrotzea, toki jakin batekoa izateak ematen duen identitatea eta harrotasuna ez izatea...), kontuan hartuz EAEko errealitatearen zati handi bati ere badagozkiola bereizgarri horiek, Legazpiko udalerriak, udalbatzaren bitartez, etorkizuneko garapenaren gaia aztertzeko beharra planteatu du, eta goian adierazitako errealitate eta arazo horiei aurre egiteko beharra ere ikusi du.

Testuinguru horretan sortu da MIK S.Coop. (MCC Taldeko Ikerketa Zentro Korporatiboa eta Eusko Jaurlaritzako Zientzia eta Teknologia Zentroen Euskal Sareko kidea) kooperatibarekin batera lan egiteko aukera, udalerriaren eta lurraldearen garapenarekin lotutako arazo hori aztertzeko eta etorkizuneko garapenaren lerroak eta aukerak ezartzeko eta sakontzeko, baina hori bai, ikuspegi desberdin batetik, "Ezagueran oinarritutako garapenetik" hain zuzen ere. Ikuspuntu horren bidez, Legazpik bere identitatea eta identitate horren balio gidariak kontuan hartuta prestatu behar du bere jardunbidea, abiapuntu horretatik abiatuta eta modu sistemikoan eta parte-hartzailean oinarrituta eraikitzeko etorkizuna.

Proiektu hau garatu ahal izateko Diputazioko Berrikuntzarako eta Jakintzaren Gizarterako Departamentuak dirulaguntza eman du.



* * * * * * * * * * * * * * * * * * * * * * * * * * * * * * * * * * *
pdfDOKUMENTU OSOA IKUSI

XHTML 1.0 | CSS 2.0 | WAI 'AA ' | © Copyright 2006 Legazpiko Udala-Eskubide guztiak erreserbatuak-Euskal Herria plaza, 1 - 20230