Merkataritza eta Industria Gidan alta eman zaitez

Jn./and. agurgarria:

Honako honen bidez, Legazpiko udaletxean udalerriko jarduera ekonomikoen fitxategi automatizatua dagoela jakinarazi nahi dizugu. Fitxategi horretan dendak, tabernak, industriak,… dituzten pertsona fisiko eta juridikoen hainbat datu daude (izen komertziala, helbidea, telefonoa eta jarduera). Fitxategiaren helburua Legazpin dauden jarduera ekonomiko desberdinen inguruko informazioa eskaintzea da. Gai horren inguruan onartu den DATU PERTSONALAK BABESTEARI buruz abenduaren 13ko 15/99 Lege Organikoak dioenaren arabera, zure jarduera ekonomikoaren inguruko datu pertsonalak erabili ahal izateko zure oneritzia eskatu eta jaso beharra dago. Sarritan horrelako informazioa eskatzen digute partikularrek edo haien zerbitzuak eskaini nahi dituzten enpresek edo lan bila dabiltzan langabetuek,… eta, beraz, informazio eske datozenei zure datuak eman ahal izateko zure baimena behar dugu lehenbizi. Jardueren zerrenda Internet-en ikusgai dago (Legazpiko udaleko web orrian: www.legazpiko-udala.info), interesaturik dagoen edozeinek bertan ikusteko aukera izan dezan. Modu horretan, Legazpin dauden jardueren berri emanten ari gara eta, bestetik, zuen publizitatea egingo dugu, aparteko kosturik gabe.

Zure jarduera zerrenda horretan agertu nahi baduzu, erantsita doakizun fitxan eskatzen diren datuak idatzi, sinatu eta Legazpiko udaleko Herritarrentzako Arreta-bulegoan (beheko solairuan) aurkeztu beharko duzu. Bestalde, gogoan izan edozein momentutan datu horiek ikusi, zuzendu edo erretiratu egin ditzakezula. Horretarako Legazpiko Udaleko Industria, Enplegu eta Merkataritza Departamentura jo besterik ez duzu. Informazio gehiago nahi izanez gero, 943 737030 telefono zenbakira deituz (283 luzapena) edo agenda21@legazpi.net helbide elektronikora idatziz lor dezakezu.

Alta emateko fitxa

Jardueren kodeen zerrenda